BAKI, AzerVoice, Nailə Babazadə
İsrail ordusunun Qəzza Şərqindəki hücumu nəticəsində bir Fələstinli ölüb, bir nəfər yaralanıb.
AzerVoice xəbər verir ki, Fələstin rəsmi xəbər agentliyi WAFA-nın məlumatına görə, İsrail ordusu Qəzza Şərqinin şimalında pilotsuz uçuş aparatı ilə bir qrup Fələstinliyi hədəfə alıb. Hücum Qəzza şəhərinin Şucaiyye məhəlləsində baş verib.
Hücum nəticəsində bir nəfər həyatını itirib, bir nəfər isə yaralanıb. İsrailin 10 oktyabr tarixindən bəri əldə olunan atəşkəsə baxmayaraq bu cür hücumları davam etdiyi bildirilib. Bu dövrdə hücumlarda həyatını itirən Fələstinlilərin sayı 240-a çatıb.
Hadisə bölgədəki gərginliyin davam etdiyini bir daha göstərib.