BAKI, AzerVoice, Nailə Babazadə
İsrail atəşkəsi pozaraq dünən axşam saatlarından etibarən Qəzzaya başladığı hücumlarda 24-ü uşaq olmaqla 63 fələstinlini qətlə yetirib.
AzerVoice xəbər verir ki, səhiyyə rəsmiləri və hadisə şahidlərinin verdiyi məlumata görə, İsrailin hava hücumları zamanı “sarı xətt” adlandırılan ərazidə yerləşən evlər, bir mülki avtomobil, sığınacaq və xəstəxana hədəfə alınıb.
Səhiyyə rəsmiləri və yerli mənbələr İsrail ordusunun Qəzza zolağının müxtəlif bölgələrinə hücumlarını davam etdirdiyini qeyd ediblər.
İsrail ordusunun atəşkəsi pozaraq Qəzza zolağının müxtəlif hissələrinə endirdiyi hücumlarda daha əvvəl 18 fələstinli həlak olmuşdu.
Digər tərəfdən, İsrail ordusu Qəzza zolağının İsrail işğalı altında olan Rəfah bölgəsində dünən “HƏMAS tərəfindən həyata keçirildiyini” iddia etdiyi hücum nəticəsində Yonah Efraim Feldbaum adlı bir əsgərinin öldüyünü açıqlayıb.
HƏMAS isə həmin hücumla heç bir əlaqəsi olmadığını bildirərək İsrailin iddiasını təkzib edib.