BAKI, AzerVoice, Nailə Babazadə
Suriyada 2011-ci ildən bəri qətliamlara rəhbərlik edən devrilmiş rejim lideri Bəşşar Əsəd barəsində qiyabi həbs qərarı verilib.
AzerVoice xəbər verir ki, Dəməşq şəhərinin Yeddinci İstintaq Hakimi Təvfiq əl-Ali açıqlamasında bildirib ki, 2011-ci ildə Derada baş verən hadisələrlə bağlı irəli sürülən ittihamlar əsasında Əsədin həbsi barədə qərar qəbul edilib.
Hakim əl-Alinin sözlərinə görə, qərarda qəsdən adam öldürmə, işgəncə nəticəsində ölüm və azadlıqdan məhrumetmə kimi ittihamlar yer alıb. O əlavə edib ki, Əsəd barəsində qırmızı bülleten verilməsi nəzərdə tutulur və bu qərar İnterpol vasitəsilə beynəlxalq axtarışa veriləcək.
Xatırladaq ki, 23 noyabr 2011-ci ildə Dera şəhərində baş vermiş hadisələrin qurbanlarının yaxınları məsələni məhkəməyə daşımışdı.
