BAKI, AzerVoice
Yeni elmi araşdırma göstərib ki, texnologiyadan istifadə yaşlı insanlarda demensiya və idrak zəifləməsi riskini azalda bilər. Texas ştatındakı iki universitetin tədqiqatçıları tərəfindən aparılan 57 elmi araşdırmanın meta-analizi, bu qənaətə gəlməyə əsas verir.
Tədqiqat nəticələrinə görə, texnologiyadan istifadənin – kompüter, smartfon, internet, e-poçt və sosial media da daxil olmaqla – idrak pozuntusu riskini 42 faiz azaltdığı müəyyən edilib.
Bu nəticə 411,430 yaşlı insanın iştirak etdiyi 57 araşdırmanın ümumi təhlili əsasında əldə olunub. Araşdırmalarda idrak pozuntusu dedikdə yüngül demensiya, demensiya diaqnozu və ya zəif idrak göstəriciləri nəzərdə tutulur.
Texas Universiteti Dell Tibb Məktəbinin nevrologiya kafedrasının dosenti, tədqiqatın həmmüəllifi Dr. Jared Benge bildirib ki, bu nəticələr təhsil, gəlir və həyat tərzi kimi faktorlar nəzərə alındıqdan sonra belə öz aktuallığını saxlayır. Bu da texnologiyanın beyin sağlamlığına müstəqil təsir göstərdiyini göstərir.
Tədqiqat texnologiya ilə beyin sağlamlığı arasında potensial müsbət əlaqəni ortaya qoysa da, hələ də bu münasibətin müxtəlif aspektləri üzrə qeyri-müəyyənliklər mövcuddur.
Tədqiqatçılar gələcəkdə daha ətraflı və dərin təhlillərin aparılmasının vacibliyini vurğulayırlar.
