BAKI,AzerVoice

ABŞ-da aparılan psixoloji tədqiqat insanların daha səmərəli seçim imkanı olsa belə, əvvəldən seçdikləri yoldan geri dönməyə meylli olmadığını ortaya çıxarıb.

Alimlər bu davranış modelini “geri dönmə aversiyası” (doubling-back aversion) adlandırırlar.

Tədqiqat Kaliforniya Universitetinin psixoloqları Kristine Y. Cho və Clayton R. Critcher tərəfindən aparılıb və nəticələri “Psychological Science” jurnalında dərc olunub. Araşdırmaya 2 min 500-dən çox ABŞ sakini cəlb olunub.

Araşdırma çərçivəsində iştirakçılar həm virtual reallıqda naviqasiya tapşırıqları, həm də zehni söz tapşırıqları yerinə yetiriblər. Virtual tapşırıqda iştirakçılar daha qısa, lakin geriyə dönmə tələb edən yol ilə daha uzun, düz yol arasında seçim etməli olublar. Onların yalnız 31 faizi daha qısa olan, geri dönüş tələb edən yolu seçib. Əksəriyyət 57 faiz daha uzun, lakin irəli istiqamətli marşrutu seçib.

Söz tapşırığında isə iştirakçılardan əvvəlcə “G” hərfi ilə başlayan sözlər yazmaları istənilib. Daha sonra onlara “T” hərfi ilə davam etmək təklif olunub. Təqdimat formasına görə iştirakçıların qərarı dəyişib.

Tədqiqatın müəllifləri qeyd edir ki, insanlar daha əvvəl çəkdikləri zəhməti itirmək qorxusuyla yeni və daha səmərəli yolları rədd edirlər.

Alimlər gələcək tədqiqatlarda bu yanaşmanı dəyişmək yollarını araşdırmağı planlaşdırırlar. Onların tövsiyəsinə görə, insanlar keçmişin yükünü deyil, gələcək faydanı əsas götürməlidirlər.