BAKI,AzerVoice, İslam Ensiklopediyası
Hədis termini kimi “müsnəd” kəlməsinin iki mənası mövcuddur. Birincisi, hədis növü ilə əlaqədardır. Belə ki, müsnəd hədis sənədi müttəsil, mətni isə mərfu (bax: mərfu hədis) olan hədisə deyilir. İkinci mənası isə hədis əsərlərinin bir növü ilə əlaqədardır. Müsnəd əsər səhabə adlarını əlifba sırasına əsasən təsnif edib, onların rəvayət etdikləri bütün hədisləri cəm edən kitabdır. Hicri II əsrin sonlarından etibarən, qələmə alınan müsnəd əsərlər hədislərin mühafizə edilib-qorunmasında böyük rol oynamışdır. Əbu Davud ət-Təyalisinin, Əsəd ibn Musa əl-Üməvinin, Nüeym ibn Hammad əl-Xüzainin, İbn Əbi Şeybənin və Əhməd ibn Hənbəlin müsnədləri məşhur hədis əsərləridir.