BAKI, AzerVoice, Azər Hüseynov Tarixçi, İstanbul Zaim Universitetinin Tarix və Mədəniyyət Bölümü Doktorantı, Qafqaz Etno-Sosial Araşdırmalar Mərkəzinin eksperti, xüsusi olaraq AzerVoice üçün
Mask Tramp ilə dalaşır, sonra barışır. Yenə xod gedir, yenə geri qayıdır. Ardınca başa salırlar, bu dəfə də üzr istəyir. Bu dövrdə münasibətlər prinsiplərə deyil, maraqlara əsaslanır.
Türkiyə ilə İsrail arasında üzdə gərginlik görüntüsü var. Lakin müxalifət nümayəndələri və hətta BMT təmsilçiləri iddia edir ki, Manisa limanından İsrailə sənaye metallarının daşınması davam edir. Digər tərəfdə Qətər İsraillə silah alqı-satqısı üçün yeni müqavilə imzalayır. Həmin Qətər ki, illərlə HƏMAS-ın siyasi ofisinə ev sahibliyi etmişdi, bu gün isə onu ölkədən çıxarır. Bəzi mənbələrin iddiasına görə, bu addımda Türkiyənin də rolu və ya xahişi olub.
Bu arada Paşinyan Qareginə söz atır, Qaregin də onu söyür. Siyasət artıq məntiq və üslub üzərində qurulmur – yalnız qarşılıqlı ittiham və aşağılama ilə doludur.
Qəribə və ziddiyyətli bir dünyada yaşayırıq.
Bu dünyada ilk dəyişməli olan şüurdur. Şüur dəyişməsə, nəfs dəyişməz. Nəfs dəyişməsə, toplum dəyişməz. Bu, sadəcə fəlsəfə deyil – Qurani-Kərimin öz bəyanıdır:
> “Həqiqətən, Allah bir qövmün vəziyyətini, onlar özlərini
dəyişmədikcə dəyişməz.”
(ər-Rə’d surəsi, 11-ci ayə)
Bu gün bir daha açıq şəkildə deməliyik: Azərbaycan başda olmaqla, bütün müsəlman ölkələrinin ərazi bütövlüyü qorunmalıdır. Bu torpaqları daha da balacalaşdırmaq, zəiflətmək istəyirlər. Bu, imperializmin uzun müddətdir tətbiq etdiyi "parçala və hökm sür" strategiyasıdır.
Bu oyunu anlamaq üçün şüur dəyişməlidir. Əks təqdirdə, müsəlman dünyasında hər “eyyy” sədası sadəcə gurultu olaraq qalacaq – nəticəsiz, izsiz, xatirəsiz...
