BAKI,AzerVoice, Fərid Mikayılov
Türkiyə ilə Nigeriya arasında müxtəlif sahələri əhatə edən 9 mühüm əməkdaşlıq sazişi imzalanıb.
AzerVoice xəbər verir ki, sənədlər Türkiyə Prezidenti Rəcəb Tayyib Ərdoğan və Nigeriya Prezidenti Bola Əhməd Tinubunun iştirakı ilə rəsmiləşdirilib.
Təkbətək və nümayəndə heyətləri səviyyəsində aparılan danışıqlardan sonra iki ölkə arasında siyasi, iqtisadi, hərbi, təhsil və sosial sahələrdə əməkdaşlığı gücləndirən razılaşmaların imza mərasimi keçirilib.
İmzalanan sənədlər diaspora siyasəti, media və kommunikasiya, ali təhsil, halal akkreditasiya sistemi, iqtisadi-ticarət əməkdaşlığı, hərbi sahə, diplomatik hazırlıq, təhsil və qadın hüquqları kimi geniş istiqamətləri əhatə edir.
Razılaşmalar Türkiyə–Nigeriya münasibətlərinin strateji tərəfdaşlıq səviyyəsinə yüksəldilməsi və qarşılıqlı investisiya imkanlarının genişləndirilməsi baxımından mühüm addım kimi qiymətləndirilir.