BAKI, AzerVoice
Prezident Rəcəb Tayyib Ərdoğan Suriya Prezidenti Əhməd əş-Şəraa ilə telefon danışığı apararaq bölgədəki gərgin durumu dəyərləndirib.
AzerVoice xəbər verir ki, telefon
danışığında İsrailin Suriyaya qarşı həyata keçirdiyi hava hücumları
və bunun region üçün doğurduğu risklər müzakirə olunub.
Prezident Ərdoğan İsrailin bu hücumlarını “qəbuledilməz” adlandırıb
və Suriyadakı təcavüzkar siyasətin bütün Yaxın Şərq üçün təhlükə
yaratdığını bildirib.
Türkiyə lideri, həmçinin Suriyada druz icması ilə əldə olunan atəşkəsi alqışladığını ifadə edib və Türkiyənin Suriya xalqına dəstəyinin davam edəcəyini vurğulayıb.
Qeyd edək ki, Prezident Əhməd əş-Şəraa da telefon danışığı zamanı Suriyanın siyasi birliyi, ərazi bütövlüyü və suverenliyinə verdiyi dəstəyə görə Prezident Ərdoğana təşəkkür edib.
