BAKI, AzerVoice
FETÖ Terror Təşkilatının Türkiyə Daxili İşlər Nazirliyindəki gizli strukturuna qarşı ölkənin 14 vilayətində həyata keçirilən əməliyyat nəticəsində saxlanılan 21 şübhəlidən 11-i məhkəmə qərarı ilə həbs olunub.
AzerVoice türk KİV-lərinə istinadən xəbər verir ki, İstanbul Baş Prokurorluğu tərəfindən aparılan istintaq çərçivəsində, aralarında 13-ü hazırda fəaliyyət göstərən polis əməkdaşı olmaqla ümumilikdə 21 nəfər saxlanılıb. Onlardan 7-si ifadə verdikdən sonra sərbəst buraxılıb.
Qalan 14 şübhəli isə tibbi müayinədən sonra İstanbul Ədliyyəsinə aparılıb. Prokurorluqda ifadələri alınan 13 nəfər (10-u hazırkı polis əməkdaşı) barəsində həbs, bir nəfər barəsində isə “ev dustaqlığı” şəklində məhdudiyyət qərarı ilə məhkəməyə göndərilib.
Növbətçi hakimlik 10-u aktiv vəzifədə olan polis olmaqla 11 nəfərin həbsinə qərar verib. Bir nəfərə ev dustaqlığı, iki nəfərə isə digər məhdudiyyət tədbirləri tətbiq olunub.
