BAKI, AzerVoice
İsrail Müdafiə Ordusu (IDF) Qəzza şəhərində HƏMAS-ın qurucularından birinin – təşkilatın hərbi qanadında qərargah rəisi vəzifəsini tutan Həxam Mühəmməd İssa əl-İssunun öldürüldüyünü açıqlayıb.
AzerVoice xəbər verir ki, bu barədə ordunun verdiyi bəyanatda deyilir.
Məlumata görə, əməliyyat Qəzza şəhərinin Sabra rayonunda həyata keçirilib. Bəyanatda bildirilir ki, əl-İssu HƏMAS-ın qurucularından biri olub və 2023-cü il 7 oktyabr hadisələrinə qədər təşkilatın rəhbərliyində qalan son yüksək rütbəli şəxslərdən idi.
Bildirilib ki, o, 2023-cü ildə Qəzzadan İsrailə edilən hücumların planlaşdırılması və həyata keçirilməsində əsas rol oynayıb.
“Biz 7 oktyabr qətliamında iştirak edən bütün terrorçuları tapıb zərərsizləşdirmək üçün qətiyyətlə əməliyyatlarımızı davam etdirəcəyik” - deyə, İsrail Ordusu vurğulayıb.
