BAKI, AzerVoice
Türkiyə Prezident Aparatının Kommunikasiya İdarəsi son iki gündə ölkə üzrə 49 meşə və 62 kənd təsərrüfatı yanğını olmaqla ümumilikdə 111 yanğın baş verdiyini, bu yanğınlardan 106-sının nəzarət altına alındığını açıqlayıb.
AzerVoice xəbər verir ki, idarənin sosial media hesabından paylaşılan məlumatda, ölkədə son günlər baş verən yanğınlarla bağlı ictimaiyyətə məlumat verilib.
Açıqlamada bildirilir ki, meteoroloji baxımdan yanğın riski yüksək olan günlərdən keçilir. Havanın temperaturunun mövsüm normativlərini aşması, nisbi rütubətin azalması və küləyin güclü əsməsi səbəbindən yanğınlara qarşı kritik həssaslıq meydana gəlib.
Bu çərçivədə, 27–28 iyun tarixlərində ölkə üzrə 49 meşə və 62 kənd təsərrüfatı yanğını baş verib. Bildirilib ki, bu yanğınların 106-sı sürətli və təsirli müdaxilə nəticəsində nəzarət altına alınıb, 5 meşə yanğına isə fasiləsiz şəkildə müdaxilə davam etdirilir.