BAKI, AzerVoice, Nailə Babazadə

İsrailin beynəlxalq sularda hücum edərək saxladığı Əzm Donanmasına aid qayıqlarda olan 18-i türk, ümumilikdə 94 fəal bu gün Türk Hava Yollarının (THY) xüsusi reysi ilə İstanbula gətirildi.

AzerVoice xəbər verir ki, fəalların təxliyəsi üçün İordaniyadan havaya qalxan xüsusi THY təyyarəsi İstanbul Hava Limanına enib. Gəmidə olan fəallar VIP salonunda ailələri, rəsmi nümayəndələr və çox sayda vətəndaş tərəfindən qarşılanıb.

Əzm Donanmasına aid texnikalarda yer alan 18 türk və 76 əcnəbi vətəndaşdan ibarət olan fəallar apronda çiçəklərlə qarşılanıb.

Qarşılayanlar arasında TBMM Türkiyə-Fələstin Parlamentlərarası Dostluq Qrupu Başçısı və AK Parti İstanbul millət vəkili Hasan Turan, AK Parti İstanbul İl Başçısı Abdullah Özdemir və THY rəsmiləri də yer alıblar.

Xatırladaq ki, Əzm Donanmasının məqsədi Qəzzaya humanitar yardım çatdırmaq və blokadanın simvolik olaraq qırılmasını təmin etmək idi. İsrail qüvvələrinin müdaxiləsi nəticəsində donanmadakı bir neçə gəmi saxlanılmış və iştirakçılar nəzarət altına alınmışdı.