BAKI, AzerVoice, Nailə Babazadə

Trendyol Super Liqanın 11-ci turunda 2 noyabr bazar günü Beşiktaş və Fənərbaxça komandaları üz-üzə gələcək. Beşiktaş baş məşqçisi Sergen Yalçın 9-cu, Fənərbaxça çalışdırıcısı Domeniko Tedesko isə Türkiyə Super Liqasındakı ilk derbi təcrübəsini yaşayacaq.

AzerVoice xəbər verir ki, ağ-qara komandayı idarə edən Sergen Yalçın, əvvəlki 8 derbini 4 qələbə, 3 heç-heçə və 1 məğlubiyyətlə başa vurub. Fənərbaxça ilə görüşlərdə isə Yalçın məğlubiyyət görməyib: 3 qarşılaşmadan 2 qələbə və 1 heç-heçə ilə ayrılıb. Bu oyunlarda Beşiktaş 7 qol vurub, 4 qol buraxıb.

Fənərbaxça baş məşqçisi Domeniko Tedesko isə 40 yaşında Türkiyədəki ilk derbi təcrübəsini yaşayacaq. İtalyan mütəxəssis əvvəlki karyerasında Almaniya və Rusiya liqalarında komandalarını 13 derbiyə çıxarıb.

Hər iki məşqçi, mövsüm başlamışdan sonra komandalarına rəhbərlik etməyə başlayıb. Beşiktaş mövsümə Ole Gunnar Solskjaer ilə başlayarkən, Fənərbaxça əvvəlki il komandaya rəhbərlik edən Joze Mourinyo güvənmişdi. Avropa turnirlərində alınan nəticələrdən sonra hər iki klub məşqçilərini dəyişdi: Beşiktaş Sergen Yalçını, Fənərbaxça Domeniko Tedeskoyu gətirdi.

Bu mövsüm Sergen Yalçın Beşiktaşla 9, Domeniko Tedesko isə Fənərbaxça ilə 7 liqa oyununda iştirak edib. Beşiktaş bu oyunlardan 4 qələbə, 2 heç-heçə və 3 məğlubiyyətlə ayrılıb, Fənərbaxça isə 4 qələbə və 3 heç-heçə nəticəsi əldə edib.