BAKI, AzerVoice, Nailə Babazadə
Trendyol Super Liqasında 2025–2026 mövsümünə səfərdə Göztəpə oyunu ilə başlayacaq Fenerbahçe, mövsüm öncəsi ümumilikdə 8 qarşılaşma keçirdi.
AzerVoice xəbər verir ki,Fənərlilər bu müddət ərzində 6 yoxlama oyunu, 2 isə rəsmi matç oynadı.
İlk oyununu Fenerbahçe Can Bartu Təlim Mərkəzində Karagümrüklə keçirən komanda, bu görüşdən 2:2 bərabərliklə ayrıldı. Bu oyundan sonra Portuqaliyaya təlim-məşq toplanışına yollanan Fenerbahçe burada da 4 yoxlama matçında iştirak etdi.
Sırasıyla Portuqaliya təmsilçiləri olan Portimonenseni 2:1, Uniao de Leirianı isə 2:0 hesabı ilə məğlub edən sarı-lacivərtlilər, dünya ulduzlarını heyətində birləşdirən Al-Ittihad qarşısında isə 4:0 hesablı inamlı qələbə qazandı. Hazırlıq mərhələsindəki son oyununda isə Portuqaliyanın güclü komandası Benficaya 3:2 hesabı ilə uduzdu.
Portuqaliya toplanışından sonra İstanbula qayıdan Fenerbahçe, son hazırlıq matçını evində İtaliyanın güclü təmsilçisi Lazioya qarşı keçirdi.
Baş məşqçi Joze Mourinhonun komandası azarkeşlərinin önündə keçirdiyi bu qarşılaşmadan 1:0 hesablı qələbə ilə ayrıldı.
Fenerbahçe yeni mövsümdə Super Liqaya başlamazdan əvvəl ilk rəsmi oyunlarını Avropa səhnəsində keçirdi.
UEFA Çempionlar Liqasının 3-cü təsnifat mərhələsində Niderland nəhəngi Feyenoordla qarşılaşan Fenerbahçe, ilk oyunu səfərdə 2:1 hesabı ilə uduzdu.
Ancaq Kadıköydə baş tutan cavab görüşündə rəqibini 5:2 hesabı ilə məğlub edən Mourinho və komandası pley-off mərhələsinə vəsiqə qazandı.
Fenerbahçe mövsüm öncəsi oyunlarda hücum xəttində yüksək performans göstərdi.
Joze Mourinhonun yetirmələri oynadığı 8 matçda 19 qol vurdu, lakin qapısından 10 qol buraxmaqdan da yayına bilmədi.
