BAKI, AzerVoice
Benfikanın təcrübəli futbolçusu Anxel Di Maria futbol karyerasına başladığı ilk klub olan Rosario Centrala geri dönüb.
AzerVoice xəbər verir ki, bu barədə klubun rəsmi Instagram hesabında paylaşım edilib.
“Evimə dönmək necə gözəldir. Arzumuzu həyata keçirə bilmək böyük xoşbəxtlikdir. Əziz Rosario-da yaşamaq və Rosario Central formasını geyinmək necə də möhtəşəmdir!” – deyə Di Maria öz şəxsi Instagram hesabında da açıqlama verib.
Xatırladaq ki, Di Maria peşəkar futbol karyerasına 2005-ci ildə Rosario Central-da başlayıb. Daha sonra Real Madrid, Mançester Yunayted, PSJ, Yuventus və Benfika kimi nəhəng klublarda çıxış edib.
Təcrübəli futbolçu Real Madrid ilə 2013–2014 UEFA Çempionlar Liqasını da daxil olmaqla 25-dən çox kubok qazanıb.