BAKI, AzerVoice, Nailə Babazadə

Fenerbahçe, UEFA Çempionlar Liqasının 3-cü təsnifat mərhələsinin cavab oyununda Niderland təmsilçisi Feyenoordu evdə 5-2 hesabı ilə məğlub edərək ümumilikdə 6-4 hesabı ilə pley-off mərhələsinə yüksəlib.

AzerVoice xəbər verir ki, Fenerbahçe, UEFA Çempionlar Liqasının 3-cü təsnifat mərhələsinin cavab oyununda Feyenoordla İstanbulda qarşılaşdı.

Chobani Stadionunda keçirilən oyunun 41-ci dəqiqəsində Watanabe Niderland komandasını önə keçirdi.

Fenerbahçe 44-cü dəqiqədə Archie Brownun qolu ilə bərabərliyi təmin etdi. İngiltərəli futbolçu peşəkar karyerasındakı ilk baş zərbəsi ilə qol vurdu.

Təzyiqini davam etdirən Fenerbahçe 45+2-ci dəqiqədə Jhon Duranın qolu ilə üstünlüyü ələ aldı. 21 yaşlı hücumçu sarı-lacivərt forma ilə ilk qolunu vurdu. İlk hissə Fenerbahçenin 2-1 hesablı üstünlüyü ilə başa çatdı.

55-ci dəqiqədə Fred, Archie Brownun ötürməsi ilə bir qola imza atdı. 83-cü dəqiqədə En-Nesyri fərqi üçə çatdırdı.

89-cu dəqiqədə Watanabe özünün ikinci qolunu vurdu, 90+5-ci dəqiqədə isə səhnəyə çıxan Talisca komandasını rahatlaşdıran qolu vurdu.

Qalan dəqiqələrdə başqa qol olmadı və Fenerbahçe Feyenoordu evdə 5-2 hesabı ilə məğlub edərək ümumilikdə 6-4 hesabı ilə mərhələ adladı. Niderlandda keçirilən ilk qarşılaşma Feyenoordun 2-1 hesablı qələbəsi ilə başa çatmışdı.

Fenerbahçe pley-off mərhələsində Benfika ilə qarşılaşacaq.