Şəbana Mahmudun sərt üsluba malik olduğu, gündə 16 saata qədər işlədiyi və hökumətin ən effektiv üzvlərindən biri olduğu geniş şəkildə bilinir. O, bir ildən çox Ədliyyə naziri vəzifəsində çalışmış və həbsxanaların həddən artıq doluluğunu azaltmaq üçün bəzi məhbusların vaxtından əvvəl azad edilməsi barədə cəsarətli qərar vermişdi. İndi isə o, ölkədə polis, miqrasiya və təhlükəsizlik xidmətlərinə cavabdeh birinci şəxsdir.

İsrail ordusu, qüvvədə olan atəşkəsə baxmayaraq, gecə boyunca işğal altında saxladığı Qəzza bölgələrinə həm hava, həm dəniz, həm də quru hücumları ilə intensiv bombardman edib. İsrail qüvvələri Qəzzanın şimalındakı Beyt Lahiya və Bureyc Mülteci Kampı, cənubdakı Refah şəhəri, Xan Yunusun şərqindəki Karara və Beni Suheyla bölgələrini hədəf alıb. Təyyarələr Şucaiyye və Tubas məhəllələrinə hava zərbələri endirib, zirehli birliklər Zeytun Məhəlləsinin şərqini atəşə tutub. Dəniz qüvvələri sahil boyu hədəfləri bombalayıb.

İsrail ordusunun Qəzza müharibəsində süni intellekt sistemlərindən genişmiqyaslı istifadəsi hədəf seçimi prosesini sürətləndirib və müasir döyüş konsepsiyasını köklü şəkildə dəyişib. Mütəxəssislər bu müharibəni avtomatlaşdırılmış hərbi texnologiyaların tarixində dönüş nöqtəsi kimi qiymətləndirirlər.

Almaniya kansleri Fridrix Mers regionda gərginliyin artdığı bir vaxt dekabr ayında İsrailə ilk rəsmi səfərini edəcək. Bu barədə Almaniya hökuməti məlumat yayıb.Hökumətin açıqlamasına görə, Mers dekabrın 6-da İsrailə çatacaq və Baş nazir Benyamin Netanyahu ilə görüşəcək. Dekabrın 7-də isə o, Holokost qurbanlarının xatirəsinə həsr olunmuş Yad Vaşem memorialını ziyarət edəcək.

Qəzza zolağının cənubunda tunel şəbəkəsinin zərərsizləşdirilməsi əməliyyatları zamanı yaxın günlərdə öldürülmüş daha doqquz fələstinli döyüşçünün cəsədi aşkarlanıb.

Türkiyə Prezidenti Rəcəb Tayyib Ərdoğan katolik kilsəsinin rəhbəri Papa Leo ilə Ankarada keçirilən görüşdən sonra onun Fələstin məsələsindəki “uzaqgörən və prinsipial mövqeyini” yüksək qiymətləndirdiyini bildirib.

ABŞ administrasiyasının BMT mandatlı Beynəlxalq Təhlükəsizlik Qüvvəsinin Qəzza zolağına yerləşdirilməsi üçün 2026-cı ilin yanvar ayının ortasını hədəf tarix kimi müəyyən etdiyi bildirilib.

20 il əvvəl olduğu kimi, bu gün də çevrəmizdəki böhran və zülmlərə qarşı məsuliyyət götürür, asan yolu deyil, çətin olanı seçərək barış, ədalət və sabitlik üçün əlimizi daşın altına qoyuruqTürkiyə Prezidenti Rəcəb Tayyip Ərdoğan, Vatikan Dövlət Başçısı Papa 14. Leo ilə görüşdən sonra çıxış edərək, Türkiyənin bölgədə və dünyada barış, ədalət və insan hüquqları sahəsində aktiv rol oynadığını vurğulayıb.

Türkiyənin xarici işlər naziri Hakan Fidan sabah Almaniya xarici işlər naziri Yohann Vadepulun dəvəti ilə Berlini ziyarət edəcək. Bu, Fidanın Almaniyaya ilk ikitərəfli səfəri olacaq. Fidanın səfər çərçivəsində Almaniyadakı türk icması və iş adamlarıyla görüşməsi, həmçinin Almaniya tərəfi ilə siyasi, iqtisadi və müdafiə əməkdaşlığını müzakirə etməsi planlaşdırılır. Türkiyə–AB münasibətləri, Gömrük Birliyinin yenilənməsi, viza sərbəstisi və enerji–nəqliyyat sahələrində əməkdaşlıq gündəmin əsas mövzuları olacaq.

İsrail ordusu, atəşkəsə baxmayaraq, Qəzza şəhəri və ətrafındakı Xan Yunus və Rəfah bölgələrinə hava hücumları həyata keçirib, yaşayış binalarını partladıb. Yerli mənbələrin verdiyi məlumata görə, İsrail döyüş təyyarələri Qəzza şəhərinin şərqindəki Tubas məhəlləsinə hücumlar təşkil edib. Eyni vaxtda İsrail əsgərləri bölgədəki binaları havaya uçurub. Partlayış səsləri şəhərin bir çox hissəsindən eşidilib. Görgü şahidlərinin məlumatına görə, Xan Yunusun şərqindəki Beni Suheyla qəsəbəsi və Rəfahın bəzi bölgələrinə də hava hücumları edilib və yaşayış binaları partladılıb. Bundan əlavə, bu ərazilərə İsrail ordusuna aid helikopterlərdən və yaxınlıqdakı hərbi vasitələrdən intensiv atəş açılıb.

Beyrutun cənubunda “Hizbullah” komandiri Heysəm əl-Təbtabainin qətlə yetirilməsi bölgədə 2024-cü ilin payız müharibəsi ssenarisinin təkrarlanması qorxularını artırıb. O vaxtkı genişmiqyaslı qarşıdurma İsrailin ardıcıl yüksək səviyyəli hədəflərə yönələn suiqəstləri ilə başlamışdı. Lakin hazırkı regional və beynəlxalq şərait, xüsusilə də Qəzzada ötən ay elan edilən atəşkəs və ABŞ layihəsinin BMT-də qəbul edilməsi fonunda həmin ssenarinin tam şəkildə geri dönməsi ehtimalı daha zəif görünür.

İsrail ordusunun Qəzza zolağında həyata keçirdiyi hücumlarda son 24 saat ərzində 10 fələstinli həyatını itirib. 7 oktyabr 2023-cü ildə başlayan hücumlar nəticəsində ölənlərin ümumi sayı 69 min 785 nəfərə, yaralıların sayı isə 170 min 965 nəfərə yüksəlib. Qəzza Səhiyyə Nazirliyinin yaydığı yazılı açıqlamada bildirilib ki, son sutkada İsrailin hücumları nəticəsində 8-i dağıntılar altından çıxarılan olmaqla ümumilikdə 10 nəfərin cəsədi xəstəxanalara çatdırılıb.

HƏMAS daxilində, xüsusilə Qəzza zolağından kənarda fəaliyyət göstərən liderlər arasında hərəkatın gələcək siyasi kursu ilə bağlı geniş müzakirələr başlayıb. Bu barədə “Aşarq əl-Avsat”a məlumat verən mənbələr bildiriblər ki, iki illik İsrail–HƏMAS müharibəsinin yaratdığı yeni reallıq təşkilatı öz strateji xəttinə yenidən baxmağa məcbur edir.

Qəzza Zolağında iki ilə yaxın davam edən müharibə dövründə İsrail ordusunun “insani yardım” adı altında yaradılan paylama mərkəzlərində 2 min 614 fələstinlini öldürdüyü bildirilib. İsrail və ABŞ tərəfindən yönləndirilən Qəzza Humanitar Yardım Fondu (GHF) dünən fəaliyyətlərini dayandırdığını açıqladıqdan sonra, Qəzza Səhiyyə Nazirliyinin Baş direktoru Münir əl-Burş mövzu ilə bağlı bəyanat yayıb. Burş bildirib ki, yardım bölgələri əslində “ölüm tələsi”nə çevrilib və bu çərçivədə 2 min 614 nəfər döyüş meydanında deyil, qida və su tapmağa çalışdıqları vaxt öldürülüb.

İsrailin Baş naziri Benyamin Netanyahu yenidən Tel-Əviv Mərkəzi Məhkəməsi qarşısına çıxıb. O, haqqında irəli sürülmüş korrupsiya ittihamlarına cavab verib, lakin proses zamanı “gizli zərf” aldıqdan sonra məhkəmə zalını 20 dəqiqəlik tərk edib. Məlumata görə, istintaq bu dəfə Netanyahuya qarşı “4000-ci iş” üzrə suallar üzərində cəmləşib. Bu iş çərçivəsində Netanyahuya “Bezeq” telekommunikasiya şirkətinin və “Walla” xəbər portalının keçmiş sahibi Şaul Eloviçə media imtiyazları və tənzimləmə güzəştləri verməkdə, əvəzində özünə müsbət media dəstəyi almaqda ittiham olunur.

Atəşkəsə baxmayaraq Qəzza şəhərinin şərqindəki yaşayış binalarını partladaraq dağıdan İsrail ordusu, Xan Yunis şəhərinin şərq bölgələrinə də hücum həyata keçirib. Şahidlərinin verdiyi məlumata görə, İsrail ordusu Qəzza şəhərinin şərqində yerləşən Şucaiyyə məhəlləsində işğal etdiyi ərazilərdə çox sayda binanı partladaraq yerlə-yeksan edib. İsrail əsgərləri həmçinin Qəzza zolağının cənubunda yerləşən Xan Yunisin şərq bölgələrini artilleriya atəşi ilə bombalayıb.

İsrail bazar günü Beyrutun cənub qəsəbəsi olan Dahiyəni hədəfə alan hücum həyata keçirdi. Nəticədə bir nəfər həyatını itirdi, 21 nəfər yaralandı. Livan prezidenti Cozef Aun bu hücumu “İsrailin təcavüzü dayandırmaq çağırışlarına məhəl qoymadığının növbəti sübutu” adlandırdı. O qeyd etdi ki, “Livan artıq bir ilə yaxındır ki, düşmənçilik fəaliyyətlərini dayandırıb”, beynəlxalq ictimaiyyəti isə “öz məsuliyyətini üzərinə götürməyə və Livana qarşı təcavüzün dərhal dayandırılması üçün ciddi müdaxilə etməyə” çağırdı.

Türkiyə Prezidenti Rəcəb Tayyib Ərdoğan Cənubi Koreya Prezidenti Li Cae Myonqla görüşdən sonra keçirilən birgə mətbuat konfransında iki ölkə arasında strateji əməkdaşlığın genişləndirilməsi istiqamətində müzakirələrin aparıldığını bildirib.

İsrail ordusu 2023-cü il 7 oktyabrda HƏMAS tərəfindən həyata keçirilən, ölkə tarixinin ən ağır hücumu sayılan basqının qarşısının alınmamasına görə bir neçə yüksək rütbəli zabiti cəzalandırıb.

İsrail ordusu Qəzzanın Şimalında atəşkəsə baxmayaraq həyata keçirdiyi hücumlar nəticəsində 4 nəfər həlak olub. Qəzza Şimalındakı Nəsir Xəstəxanasının açıqlamasına görə, İsrail ordusu Xan Yunus şəhərinin Bəni Suheyla bölgəsinə pilotsuz uçuş aparatları (PUA) ilə hücum edib. Hücumdan sonra xəstəxanaya 2 nəfərin meyiti gətirilib.

İsrail Ordusu Qəzza zolağında HƏMAS-ın yerli komandirlərindən birinə qarşı hava hücumu həyata keçirdiyini bildirib.

29 yanvar 2024–cü ildə Fələstin Qırmızı Aypara Cəmiyyəti 14 yaşlı Liyan Həmadə tərəfindən edilən telefon zəngi aldı – o, kömək istəyirdi. O, “Təll əl-Həva" bölgəsində "Maliyyə dairəsi" yaxınlığında İsrail tankının onların maşınına atəş açdığını bildirdi. Zəng zamanı Liyanın çığırtıları və intensiv güllə səsləri eşidildi, daha sonra əlaqə qəfil kəsildi.

ABŞ administrasiyası Qəzza zolağında İsrailin nəzarətində olan bölgələrdə fələstinlilər üçün alternativ yaşayış məntəqələrinin inşası üzərində işləyir. Bu barədə məlumatı The Wall Street Journal ABŞ, İsrail və ərəb rəsmilərinə istinadən yayıb.

İsrail oktyabrın əvvəlindən qüvvəyə minmiş atəşkəsə baxmayaraq Qəzzada yüzlərlə fələstinlini öldürüb və humanitar yardımların daxil olmasını ciddi şəkildə məhdudlaşdırmağa davam edir. 10 oktyabrda İsrail və HƏMAS arasında elan edilmiş atəşkəsin məqsədi Qəzza sakinlərinə qarşı iki ilə yaxın davam edən hücumları dayandırmaq və bölgədə sülhü təmin etmək idi.