BAKI, AzerVoice, Nailə Babazadə

Cənubi Koreya Dövlət Başçısı Li Cae Myonq, ölkəsində istifadə olunmuş nüvə yanacağının yenidən işlənməsi və ya uran zənginləşdirmə fəaliyyəti üçün ortaq müəssisə yaradılması barədə ABŞ Prezidenti Donald Tramp ilə razılığa gəldiklərini bildirib.

AzerVoice xəbər verir ki, Cənubi Koreyada nəşr olunan The Chosun Daily qəzetinin məlumatına görə, Li, paytaxt Seulda təşkil edilən mətbuat konfransında, ölkəsinin nüvə sahəsində atdığı addımlar barədə danışıb.

Li, Trampın istifadə olunmuş nüvə yanacağının yenidən işlənməsi və ya uran zənginləşdirmə fəaliyyətlərinin Cənubi Koreyada həyata keçirilməsini və bunun üçün iki ölkə arasında 50-50 ortaq müəssisə yaradılmasını təklif etdiyini bildirib.

Ortaq müəssisə ilə bağlı müzakirələrin "yaxşı keçdiyini" vurğulayan Li, növbəti mərhələlər üçün ABŞ Ticarət Naziri Hovard Lutnikin təyin olunduğunu qeyd edib.

Qeyd edək ki, Li, 29 oktyabrda Tramp ilə görüşündə imzalanan müqavilə çərçivəsində, Cənubi Koreyanın nüvə enerjisi ilə işləyən sualtı qayığı inkişaf etdirmə planının ABŞ-dan təsdiq aldığını qeyd etmişdi.

İki ölkə arasında imzalanan ticarət və təhlükəsizlik sazişlərinə dair yayımlanan birgə məlumatda, Cənubi Koreyanın nüklər enerjisi ilə işləyən sualtı qayığı tikmə planının və istifadə olunmuş nüklər yanacağını yenidən işləmə təklifinin ABŞ tərəfindən təsdiqlənməsi nəzərdə tutulan yeni təhlükəsizlik sazişləri də yer alıb.