BAKI,AzerVoice, Fərid Mikayılov
Pakistan Xarici İşlər Nazirliyinin sözçüsü Tahir Hüseyn Andrabi bəyan edib ki, İslamabad İranın daxili işlərinə hər hansı xarici müdaxiləni qəti şəkildə rədd edir və bu məsələdə prinsipial mövqe nümayiş etdirir.
AzerVoice xəbər verir ki, Andrabi bildirib ki, Pakistan diplomatik dialoqun davam etdirilməsini və İranın nüvə sazişinin bərpasını dəstəkləyir.
“Biz İranın daxili işlərinə hər hansı xarici müdaxiləyə qarşıyıq. Eyni zamanda, Pakistan digər ölkələrin daxili məsələləri barədə heç vaxt şərh vermir” – deyə XİN sözçüsü vurğulayıb.
Andrabi əlavə edib ki, Pakistanın mövqeyi prinsipial xarakter daşıyır.
“Biz nə başqa ölkələrin daxili işlərinə qarışırıq, nə də bu məsələlərə münasibət bildiririk. Lakin xüsusilə İran İslam Respublikasının daxili işlərinə yönələn istənilən xarici müdaxiləni qətiyyətlə pisləyirik”- deyə o bildirib.