BAKI,AzerVoice, Fərid Mikayılov
İranın xarici işlər naziri Abbas Əraqçi ilə Omanlı həmkarı Bədr bin Həməd əl-Busaidi telefon danışığında regional vəziyyət, xüsusilə də işğal olunmuş Fələstin ərazilərindəki gərginlik və Qəzzadakı humanitar böhranı müzakirə ediblər.
AzerVoice xəbər verir ki, nazirlər beynəlxalq ictimaiyyəti Qəzzada davam edən soyqırımı dayandırmaq və fələstinlilərə dəstək vermək üçün təcili addımlar atmağa çağırıblar.
Qeyd olunub ki, Qəzzada soyqrıma məruz qalan mülki əhaliyə yardım göstərilməsi və beynəlxalq hüququ pozanların məsuliyyətə cəlb olunması üçün qlobal miqyasda dərhal və qətiyyətli tədbirlər görülməlidir.
Söhbət zamanı tərəflər, həmçinin, beynəlxalq birliyin fələstinlilərin hüquqlarının müdafiəsi istiqamətində həmrəy hərəkət etməsinin vacibliyini vurğulayıblar.
