BAKI, AzerVoice, Nailə Babazadə

İran Xarici İşlər Nazirliyinin sözçüsü İsmayıl Bəqayi, region ölkələrinin danışıqlar prosesindəki xoşniyyətli yanaşmalarını yüksək qiymətləndirdiklərini bildirib.

AzerVoice xəbər verir ki, həftəlik mətbuat konfransında çıxış edən Bəqayi, İranın danışıqlar masasında "zaman qazanmaq" niyyəti güdməsi ilə bağlı tənqidlərə cavab verən Bəqayi, bu iddiaların əsassız olduğunu bildirib.

"Müzakirələr nə qədər tez nəticələnsə, bizim üçün bir o qədər yaxşıdır. Sanksiyaların ləğvi bizim üçün olduqca əhəmiyyətlidir. Bu səbəbdən zaman qazanmaq kimi bir düşüncəmiz yoxdur". - deyə Bəqai qeyd edib.

Regional gərginliyin azaldılması istiqamətində göstərilən səylərə görə qonşu dövlətlərə, xüsusilə də Türkiyəyə minnətdarlığını ifadə edib.

"Danışıqlar mövzusunda səy göstərən bütün qonşularımıza, xüsusilə də Türkiyəyə təşəkkür edirik". - deyə Bəqai qeyd edib.

Bəqayi qeyd edib ki, İran rəsmi Tehranın maraqlarını diplomatiya yolu ilə qorumaq əzmindədir. O, region ölkələrinin vasitəçilik və ev sahibliyi istəklərini dəyərli hesab etsə də, danışıqların əvvəlki təcrübələrə əsaslanaraq Omanda davam etdirilməsinə üstünlük verdiklərini vurğulayıb.

"Biz danışıqların, müxtəlif səbəblərdən dolayı ABŞ-ın iyun ayında masanı tərk etdiyi yerdə — Omanda keçirilməsini istəyirdik". - deyə Bəqai vurğulayıb.

İsrail Baş naziri Binyamin Netanyahunun ABŞ-a səfərini və Vaşinqtondakı lobbiçilik fəaliyyətlərini şərh edən Bəqayi, İranın danışıqlardakı əsas tərəf-müqabilinin ABŞ olduğunu xatırladıb. O bildirib ki, regionun zərər görməsinə səbəb olan təzyiqedici addımlardan asılı olmayaraq, müstəqil qərar vermək məsuliyyəti ABŞ-ın üzərinə düşür. Sözçünün fikrincə, ABŞ-ın Qərbi Asiyada üzləşdiyi siyasi problemlərin kökündə İsrailin bölgədəki hərəkətlərinə verilən dəstək dayanır.