BAKI, Azervoice, Nərmin Ağayeva
Qəzzada humanitar yardım maşınının aşması nəticəsində 20 nəfər həlak olub.
Azervoice xəbər verir ki, aclığın hökm sürdüyü Qəzza zolağında İsrail ordusunun təhlükəli yola yönləndirdiyi humanitar yardım yük maşını yemək almağa çalışan fələstinlilərin üzərinə aşıb.
Hadisə nəticəsində 20 nəfər ölüb, çox sayda insan yaralanıb. Qəzza hökumətinin media ofisi İsrailin yardımların bölgəyə girişini məhdudlaşdırmasının humanitar böhranı dərinləşdirdiyini və xaos yaratdığını bildirib.
Qeyd edək ki, İsrailin Qəzzaya hücumları 2023-cü ilin oktyabrın 7-dən bəri davam edir. Atəşkəsdən sonra yenidən başlayan hücumlarda on minlərlə insan həlak olub, yüz minlərlə insan yaralanıb.