BAKI, AzerVoice
Nigeriyada 161 milyon insan ərzaq çatışmazlığı təhlükəsi ilə üz-üzədir.
AzerVoice verir ki, Nigeriyada təqribən 161 milyon insan qida çatışmazlığından əziyyət çəkir.
Bu barədə Kənd Təsərrüfatı və Qida Təhlükəsizliyi Nazirliyinin nümayəndəsi Alhaji Nuhu Kilishi Abucada keçirilən tədbirdə məlumat yayıb.
Onun sözlərinə görə, ölkədə ərzaq çatışmazlığı göstəricisi 2014-cü ildə 35 faiz idisə, hazırda bu rəqəm 74 faizə yüksəlib. Artan silahlı hücumlar, adam oğurluqları və iqtisadi çətinliklər kənd təsərrüfatı istehsalını ciddi şəkildə zəiflədib.
Qeyd edək ki, Nigeriya Afrikanın ən sıx əhalisi olan ölkəsidir
və əhalisinin böyük əksəriyyəti kənd təsərrüfatından dolanır. Lakin
son illərdə iqlim dəyişikliyi, təhlükəsizlik böhranları, Boko Haram
və digər silahlı qrupların hücumları nəticəsində kənd təsərrüfatı
sahəsində məhsuldarlıq ciddi şəkildə azalıb. Dünya Ərzaq
Proqramının məlumatına görə, hazırda ölkədə milyonlarla insan
təcili humanitar yardıma ehtiyac duyur. Bu, son onilliklərdə
Nigeriyada müşahidə edilən ən ağır ərzaq böhranlarından biri hesab
olunur.
