BAKI, AzerVoice, Nailə Babazadə
ABŞ prezidenti Donald Tramp bildirib ki, Amerika ordusu Nigeriyada genişmiqyaslı xristian qətllərinin qarşısını almaq üçün ölkəyə qoşun yeridə və ya hava zərbələri həyata keçirə bilər.
AzerVoice xəbər verir ki, Nigeriyada quru qoşunlarının yerləşdirilməsi və ya hava hücumlarının mümkünlüyü ilə bağlı sualı cavablandırarkən Tramp deyib:
“Bu ola bilər. Yəni, bəlkə başqa variantlar da ola bilər. Mən bir çox variantları nəzərdən keçirirəm. Onlar Nigeriyada rekord sayda xristian öldürürlər... Xristianları çox böyük sayda qətlə yetirirlər. Buna icazə verməyəcəyik.”
Digər tərəfdən, Nigeriya bazar günü Birləşmiş Ştatların terrorçu silahlı qruplara qarşı mübarizədə edəcəyi yardımı qəbul edəcəyini, lakin bunun Nigeriyanın ərazi bütövlüyünə hörmət çərçivəsində olacağını açıqlayıb. Bu bəyanat ABŞ prezidentinin xristianlara qarşı zorakılıqlar səbəbindən hərbi müdaxilə ilə hədələməsinə cavab olaraq verilib.