BAKI, AzerVoice
Fransanın Nitsa şəhərində yerləşən Nitsa İdarə Məhkəməsi İsrail bayraqlarının bələdiyyə binasının fasadından çıxarılması barədə qərar verib.
AzerVoice-un məlumatına görə, bu barədə məhkəmədən verilən yazılı açıqlamada deyilir.
Açıqlamada qeyd olunub ki, Nitsa Bələdiyyə Başçısı Kristian Estrosiyə bayraqların çıxarılması üçün beş günlük müddət verilib.
Məhkəmə qərarında bildirilib ki, Yaxın Şərqdəki hücumların miqyası və beynəlxalq gərginliklər nəzərə alındıqda, İsrail bayraqları sadəcə “əsirlərə dəstək simvolu” kimi qiymətləndirilə bilməz.
Məhkəmənin qənaətinə görə, bayraqların bələdiyyə binasına asılması İsrailə dəstək və siyasi mövqe ifadəsi olaraq qəbul edilir və bu səbəbdən qadağan olunur.
Məhkəmə qərarından sonra Estrosi binanın üzərindəki İsrail bayraqlarını çıxarıb.
Qeyd edək ki, Nitsa Bələdiyyəsi HƏMAS-ın 2023-cü il iyunun 7-dəki hücumundan sonra binanın fasadına İsrail bayrağı asmışdı. Bir çox vətəndaş bayraqların götürülməsi üçün bələdiyyəyə müraciət etmiş, rədd cavabı aldıqdan sonra məhkəməyə müraciət etmişdilər.
