BAKI, AzerVoice
Kolumbiyanın qərbindəki Kali şəhərində çoxsaylı bombalı hücumlar həyata keçirilib.
AzerVoice xəbər verir ki, bu barədə yerli KİV məlumat yayıb.
Məlumata əsasən, hücumlar nəticəsində biri polis olmaqla iki nəfər ölüb, 9 nəfər isə yaralanıb.
Hücumlar şəhərə bağlı Melendez, Marroquin, Manuela Beltran və Los Manqos məhəllələrində təşkil edilib.
Yaşayış yerləri, ticarət mərkəzləri və polis məntəqələrinin hədəfə alındığı hücumlardan sonra təhlükəsizlik qüvvələri yüksək səviyyədə həyəcan vəziyyətinə keçirilib.
Rəsmilər, Kali-Andalusia yolunda iki ədəd silindr bomba, Palmira istiqamətindəki hava limanı yolunda iki partlayıcı maddə və Jamundi yolunda bir partlayıcı maddənin zərərsizləşdirildiyini bildiriblər. Kolumbiyanın Müdafiə Nazirliyi hücumlara görə keçmiş Kolumbiya İnqilabçı Silahlı Qüvvələrinin (FARC) liderlərindən İvan Mordiskonun başçılıq etdiyi qrupu məsuliyyətli hesab edib.
Müdafiə Naziri Pedro Sançes verdiyi açıqlamada, hücumların Silahlı Qüvvələrin əməliyyatlarına cavab olaraq həyata keçirildiyini və İvan Mordiskoya bağlı şəxslərin zərərsizləşdirildiyini bildirib.
