BAKI, AzerVoice
Kolumbiya hakimiyyəti, Latın Amerikasında fəaliyyət göstərən İtaliya mafiyasına bağlı "Ndrangeta" təşkilatının güman edilən lideri Cozepe Palermo adlı şəxsi həbs edib.
AzerVoice-un məlumatına görə, o, Avropaya kokain daşımalarını nəzarətdə saxlamaqda və narkotik qaçaqmalçılığı üçün qeyri-qanuni marşrutlar təşkil etməkdə ittiham olunur.
“Pepe” ləqəbi ilə tanınan Palermo barəsində İNTERPOL tərəfindən qırmızı bülleten ilə beynəlxalq axtarış elan edilmişdi və bu, onun 196 ölkədə axtarışda olması anlamına gəlirdi. O Kolumbiyanın paytaxtı Boqota şəhərində küçədə saxlanılıb. Onun tutulması Kolumbiya, İtaliya və Böyük Britaniya hüquq-mühafizə orqanlarının birgə həyata keçirdiyi beynəlxalq əməliyyat çərçivəsində baş verib.