Kolumbiyada torpaq sürüşməsi nəticəsində ölənlərin sayı artıb

BAKI, AzerVoice

Kolumbiyanın qərbində yerləşən Belyo bələdiyyəsində torpaq sürüşməsi nəticəsində azı 23 nəfər həlak olub.

AzerVoice xəbər verir ki, bu barədə bələdiyyə hakimiyyəti məlumat yayıb.

“Bu fövqəladə vəziyyət nəticəsində həlak olan 23 nəfərin ailələrinə həmrəyliyimizi bildiririk” – deyə, yerli hakimiyyətin X sosial şəbəkəsindəki paylaşımında qeyd olunub. Hadisədən sonra daha 13 nəfər itkin düşmüş hesab olunur.

Rəsmi məlumata görə, ümumilikdə təbii fəlakətdən 1 948 nəfər zərər çəkib. Dağıntılar altından 23 nəfər sağ çıxarılıb.

Torpaq sürüşməsi iyunun 24-də Belyonun Qranisal adlı yaşayış məntəqəsində baş verib. Hadisənin ilk günü 10 nəfərin öldüyü açıqlanmışdı. Sürüşməyə bölgədə bir neçə gündür davam edən güclü yağışlar səbəb olub.