BAKI, AzerVoice
İran son üç ayda uranı yüksək səviyyədə zənginləşdirdiyi üçün 10 nüvə bombası əldə etməyə yaxındır.
AzerVoice xəbər verir ki, bu barədə Beynəlxalq Atom Enerjisi Agentliyinin (BAEA) məlumat verib.
Məlumatda bildirilir ki, İranın yüksək zənginləşdirilmiş uran ehtiyatı təcili olaraq nüvə bombası istehsalına yönləndirilə bilər, əgər Tehran bunu seçərsə. Hesabatda qeyd olunur ki, ehtiyat son üç ayda təxminən 50 faiz artıb, istehsal sürəti isə 60 faizə qədər yüksəlib ki, bu da hərbi istifadə səviyyəsinə yaxın bir sürətdir.
BMT-yə bağlı başqa bir qurumun hazırladığı ikinci hesabatda isə agentlik qeyd edir ki, "İran bir neçə dəfə ya cavab verməyib, ya da inandırıcı cavablar təqdim etməyib” və bu da dörd nüvə obyekti üzrə araşdırmaları əngəlləyib. Bu obyektlərdən üçündə – Laoisan, Şian, Varamayn və Turquzabad - gizli nüvə fəaliyyəti həyata keçirildiyi iddia olunur.
İsrail isə bu hesabatın İran nüvə proqramının dinc məqsədli
olmadığını açıq şəkildə göstərdiyini bildirib.
“Beynəlxalq ictimaiyyət indi İranı dayandırmaq üçün hərəkətə
keçməlidir” - deyə, İsrail Baş naziri Binyamin Netanyahunun
ofisindən açıqlama verilib.
