BAKI, AzerVoice
İsrailə uçuşlar yenidən dayandırılıb - Aviaşirkətlər təhlükəsizlik risklərinə görə qərar verib.
AzerVoice xəbər verir ki, beynəlxalq
aviaşirkətlər İsrailin Təl-Əviv şəhərinə və oradan reyslərin
dayandırılması qərarını növbəti dəfə uzadıb.
Bu addım, mayın 4-də Yəmənin Husi qruplaşması tərəfindən Ben Qurion
hava limanı yaxınlığına raket atılmasından sonra təhlükəsizlik
səbəbilə atılıb.
Həmas ilə atəşkəsə baxmayaraq, İsrailin Qəzza zolağındakı hərbi əməliyyatlarını mart ayından bəri genişləndirməsi hava məkanını riskli vəziyyətə salıb.
Hazırda Təl-Əvivə uçuşlarını dayandıran aviaşirkətlər və yeni tarixlər belədir:
Air Baltic (Latviya): 2 iyuna qədər
KLM (Hollandiya): 30 maya qədər
Air India (Hindistan): 19 iyuna qədər
British Airways (Böyük Britaniya): 14 iyuna qədər
Iberia Express (İspaniya): 31 maya qədər
Etya (İtaliya): 15 iyuna qədər
LOT (Polşa): 31 maya qədər
Lufthansa Qrupu (Almaniya): 15 iyuna qədər
Ryanair (İrlandiya): 31 iyula qədər
United Airlines (ABŞ): 2 iyuna qədər təsir edə bilər
Qeyd edək ki, bu qərarlar bölgədəki müharibə şəraiti və hava limanlarının potensial hədəfə çevrilməsi fonunda sərnişin təhlükəsizliyini təmin etmək məqsədi daşıyır. Aviaşirkətlər vəziyyətin inkişafını izləyərək yeni qərarlar verəcəklərini bildiriblər.
