BAKI,AzerVoice, Fərid Mikayılov

Hindistanın Maharaştra ştatında təyyarənin eniş zamanı qəzaya uğraması nəticəsində ştatın Baş nazirinin müavini Adit Pavar həyatını itirib.

AzerVoice xəbər verir ki, hadisə Maharaştra ştatının Pune şəhərinə yaxın Baramati hava limanında baş verib, Learjet 45 tipli təyyarə eniş zamanı idarəetməni itirərək qəzaya düşüb.

Qəza nəticəsində təyyarədə olan Maharaştra ştatının Baş nazirinin müavini Adit Pavar və onunla birlikdə daha 5 nəfər həlak olub.

Qeyd olunur ki, Adit Pavar Maharaştrada müxtəlif dövrlərdə ən uzun müddət Baş nazirin müavini vəzifəsində çalışmış siyasi xadimlərdən biri olub.

Hindistanın Baş naziri Narendra Modi, Adit Pavarın ölümü ilə bağlı “X” sosial şəbəkəsində paylaşım edərək bildirib ki, mərhum Maharaştra xalqına xidmət yolunda daim ön sırada olan, zəhmətkeş və hörmət qazanmış şəxsiyyət idi. Modi onun idarəetmə bacarığını, sosial ədalətə və aztəminatlı təbəqələrin gücləndirilməsinə verdiyi töhfələri xüsusi qeyd edib və bu itkinin ölkə üçün böyük faciə olduğunu vurğulayıb.

Hadisə ilə bağlı araşdırmalara başlanıldığı bildirilir.