BAKI,
AzerVoice
Rusiya Baş Prokurorluğu Amnesty International-ı “arzuolunmaz
təşkilat” elan edib.
AzerVoice xəbər verir ki, Rusiya Baş Prokurorluğu beynəlxalq insan haqları təşkilatı Amnesty International-ın Rusiyadakı fəaliyyətini “arzuolunmaz” olaraq qiymətləndirib və buna dair rəsmi qərar qəbul edib.
Rusiya Baş Prokurorluğunun yayımladığı yazılı açıqlamada
bildirilir ki, Londonda qeydiyyatdan keçmiş və qlobal miqyasda
insan haqları müdafiəsi ilə məşğul olan “Amnesty International
Limited” təşkilatı Rusiyada həyata keçirdiyi fəaliyyətlərə görə
təhlükə mənbəyi kimi dəyərləndirilib.
Açıqlamada həmçinin vurğulanıb ki, bu təşkilat Ukrayna ilə bağlı
müəyyən layihələrdə iştirak edir və ölkənin təhlükəsizliyinə zərər
verə biləcək fəaliyyətlərdə adı hallanır.
Qeyd olunur ki, bu qərar əsasında Amnesty International-ın Rusiyada fəaliyyəti rəsmi olaraq qadağan olunur və təşkilat ölkədə “arzuolunmaz” statusuna malik sayılır. Bu status təşkilatın ölkədəki bütün layihələrinin, əməkdaşlıqlarının dayandırılması və müvafiq hüquqi məhdudiyyətlərin tətbiqini nəzərdə tutur.
