BAKI, AzerVoice, Fərid Mikayılov
Böyük Britaniyanın müdafiə naziri Con Hili Ukrayna müharibəsi ilə bağlı Rusiya prezidenti Vladimir Putinə mesaj ünvanlayıb.
AzerVoice xəbər verir ki, nazir qeyd edib ki, Ukraynanın təhlükəsizliyi Böyük Britaniyanın milli təhlükəsizliyinin ayrılmaz hissəsidir.
Onun sözlərinə görə, London müharibə davam etdiyi müddətdə Kiyevə dəstəyini gücləndirərək davam etdirəcək.
“Bu gün Moskvaya mesajımız aydındır: Prezident Putin, siz qələbə qazanmayacaqsınız. Sülhə razılaşın”- deyə Hili bəyan edib.
Qeyd edək ki, bundan əvvəl ABŞ vitse-prezidenti Cey Di Vens də Rusiyaya müraciət edərək “reallığı qəbul etməli olduqlarını” bildirib. O, Vaşinqtonun Ukraynadakı münaqişənin sülh yolu ilə həllinə dair mövqeyinin dəyişmədiyini və Birləşmiş Ştatların bu istiqamətdə səylərini davam etdirəcəyini vurğulayıb.