BAKI, AzerVoice
Konqoda baş verən daşqınlar nəticəsində azı 62 nəfər həyatını itirib, onlarla insan yaralanıb və itkin düşüb.
AzerVoice xəbər verir ki, Konqo
Demokratik Respublikasının şərqində yerləşən Cənubi Kivu bölgəsində
baş verən güclü daşqınlar insan tələfatı və böyük dağıntılarla
nəticələnib.
Rəsmi məlumatlara görə, hadisə nəticəsində 62 nəfər ölüb, 30 nəfər
yaralanıb, çox sayda insan isə itkin düşüb.
Bölgədə axtarış-xilasetmə işləri davam edir.
Təbii fəlakət bölgədə həmçinin ciddi maliyyə itkisinə, kənd
təsərrüfatı sahələrinin məhvinə və maarifləndirmə fəaliyyətlərinin
dayanmasına səbəb olub.
Qeyd edək ki, bölgədə son həftələr davam edən intensiv yağışlar torpaq sürüşməsi və daşqın riskini daha da artırıb.