Bakı. AzerVoice:
İspaniyanın xarici işlər naziri Xose Manuel Albares Cənubi Afrika tərəfindən Beynəlxalq Ədalət Məhkəməsində (ICJ) İsrailə qarşı başladılan soyqırım davasına ölkəsinin də daxil olacağını bildirilib.
AzerVoice xəbər verir ki, Albares cümə axşamı mətbuat konfransında verdiyi açıqlamada "Qəzzada hərbi əməliyyat davam etdiyi üçün bu qərarı verdik. Bizim yeganə məqsədimiz müharibəyə son qoymaq və iki dövlətli həll yolunun həyata keçirilməsi istiqamətində addımlar atmaqdır"- deyə qeyd edib.
Bu qərar İspaniyanın Fələstini İrlandiya və Norveçlə birlikdə dövlət kimi tanıdığını elan etməsindən iki həftə sonra verilib və İsrailin etirazına səbəb olub.
İspanya İrlandiyadan sonra bu davaya qoşulacağını bildirən ikinci Avropa ölkəsi olub. Ötən həftə Meksika da bu davaya daxil olacağını açıqlamışdı.
İspaniyanın qərarından sonra İsrail-İspaniya münasibətlərində yaranan gərginlik xüsusilə İsrailin Qüdsdəki İspaniya konsulluğunun işini məhdudlaşdırmasından sonra daha da artıb.
