BAKI, AzerVoice, Nailə Babazadə

Misirin Qəzza Səhrası Xalqına Yardım Komitəsi İsrail hücumlarında dağılan binaların dağıntılarını təmizləmək və humanitar vəzifələri yerinə yetirmək məqsədi ilə yeni ağır iş maşınları və avadanlıqlar aldığını açıqlayıb.

AzerVoice xəbər verir ki, komitənin sözçüsü Məhəmməd Mansur açıqlama verib.

“Qəzza Səhrasının orta bölgəsinə Misir rəhbərliyinin qərarı ilə ağır avadanlıqlar çatdırıldı. Bu nəqliyyat vasitələri Misirin humanitar rolunu həyata keçirməsi üçün göndərilib və səhərdən etibarən işə başlayacaq.” - deyə o qeyd edib.

Mansur deyib ki, maşınlar dağıntılar səbəbindən bağlı qalan yolların açılması və müxtəlif humanitar işlər üçün istifadə olunacaq.

Komitə üzvü Məhəmməd Qışta da verdiyi açıqlamadaQəzzaya 3 ekskavator, 3 yükdaşıyan maşın və 7 torpaqdaşıyan yük maşını gətirilib.

İsrail mətbuatı iddia edir ki, həmin maşınlar Qəzzada öldürülmüş israillilərin cəsədlərinin tapılmasına yardım etmək üçün gətirilib.

HƏMAS-ın Qəzza məsulu və Fələstin danışıqlar heyətinin sədri Xəlil əl-Hayyə isə Al Jazeera telekanalına verdiyi açıqlamada bildirib ki, “Əsirlərin cəsədlərini axtarmaqda müəyyən çətinliklər var, çünki İsrail Qəzzanın təbiətini tamamilə dəyişib. Hətta bu cəsədləri dəfn etmiş bəzi şəxslər də hücumlarda şəhid olub və artıq heç kim onların yerlərini bilmir.”

Hayye əlavə edib ki, 10 oktyabrda qüvvəyə minən əsir mübadiləsi və atəşkəs razılaşmasından sonra HƏMAS-ın, əsasən israililərə məxsus olmaqla, 28 əsirdən 16-sının cəsədlərini təhvil verdiyini bildirib.