BAKI,AzerVoice
2025-ci ilin sentyabrın son günləri və oktyabrın əvvəlində İsrailin Qəzza zolağına hücumları yenidən şiddətlənib. İşğalçı qüvvələrin hərbi əməliyyatları azaltdığını bəyan etməsinə baxmayaraq, bölgədə vəziyyət daha da ağırlaşıb.
Son günlər Qəzzada humanitar fəlakətin miqyası genişlənib, xəstəxanalar fəaliyyətini dayandırmaq təhlükəsi ilə üz-üzə qalıb, minlərlə insan aclıq, susuzluq və dərman çatışmazlığı ilə mübarizə aparır.
Eyni zamanda, dünyanın müxtəlif ölkələrində İsrailin hücumlarına qarşı kütləvi etiraz aksiyaları keçirilib. On minlərlə insan Qəzzaya dəstək nümayişlərində iştirak edib, “atəşkəs” və “humanitar koridorların açılması” tələblərini səsləndirib.
BMT və beynəlxalq yardım təşkilatları Qəzzada vəziyyətin “fəlakətli” səviyyəyə çatdığını bildirir, mülki əhalinin təxliyəsi və təcili yardıma çıxışın təmin olunması üçün çağırışlar edirlər.
