BAKI, AzerVoice
HƏMAS İsraildən Qəzza zolağında eskalasiyanı azaltmağı tələb edib ki, orada saxlanılan girovların təhlükəsizliyi təmin olunsun.
AzerVoice xəbər verir ki, bu barədə "Al Hadath" telekanalı məlumat yayıb.
Məlumata görə, bu tələblər vasitəçilər vasitəsilə İsrailə çatdırılıb. Lakin İsrail müvəqqəti atəşkəsin tətbiqindən imtina edir və HƏMAS tərəfdarlarının silahsızlaşdırılmasında israr edir.
Bundan əvvəl bildirilmişdi ki, HƏMAS heyəti Qahirədə aparılan danışıqlar zamanı Misir tərəfinin təqdim etdiyi hərtərəfli atəşkəs sazişi layihəsini razılıqla qarşılayıblar və müqabilində döyüşçülərin bölgəni tərk etməsinə və sonradan onların təqib edilməyəcəyinə dair zəmanət əldə olunmasına razılaşıblar. Lakin HƏMAS Qahirədə keçirilən məsləhətləşmələrin nəticələri barədə yalnız onu bildirib ki, tərəflər danışıqları davam etdirmək barədə razılığa gəliblər.
