BAKI, AzerVoice, Nailə Babazadə
Əmin və bacarıqlı kadrların rəhbərliyi ilə Türkiyə qlobal güc olma yolunda inamla irəliləyir.
AzerVoice xəbər verir ki, Ərdoğan bu sözləri, Anıtkabırda yerləşən “Özel Defter”- ə yazıb
Türkiyə Cümhuriyyətinin qurucusu, Böyük Öndər Mustafa Kamal Atatürk, vəfatının 87-ci ildönümündə Anıtkabırdə keçirilən dövlət mərasimi ilə anılıb.
Anıtkabirdəki mərasim dövlət rəsmilərinin “Aslanlı Yol”dan yürüşü ilə başlayıb.
Prezident Rəcəb Tayyib Ərdoğan, qırmızı və ağ qərənfillərlə bəzədilmiş ay-ulduzlu çələngi Atatürkün məzarına qoyub.
Atatürkün 87 il əvvəl vəfat etdiyi saat 09:05-də hörmət duruşu edilib, ardınca “İstiqlal Marşı” səsləndirilib.
Hörmət duruşu zamanı göndərdəki Türkiyə bayrağı yarıya endirilib. Daha sonra Prezident Ərdoğan və rəsmi nümayəndə heyəti Misak-ı Milli Qülləsinə keçib.