BAKI, AzerVoice, Fərid Mikayılov
Qalatasaray ilə Fənərbağça arasında sabah Atatürk Olimpiya Stadionunda keçiriləcək Superkubok oyununun başlama saatı dəyişdirilib.
AzerVoice xəbər verir ki, bu barədə Türkiyə Futbol Federasiyası (TFF) məlumat yayıb.
Bildirilib ki, meteoroloji qiymətləndirmələr və klub rəsmiləri ilə aparılan müzakirələrdən sonra matçın vaxtında dəyişiklik edilməsi qərara alınıb.
TFF-nin açıqlamasına əsasən, əvvəlcə saat 21:30-da başlaması planlaşdırılan qarşılaşma güclü yağış və küləklə bağlı xəbərdarlıqları nəzərə alınaraq 19:45-ə keçirilib.
Qeyd edək ki, görüş Atatürk Olimpiya Stadionunda baş tutacaq və dəyişiklik yalnız hava şəraiti ilə bağlı təhlükəsizlik amilləri ilə əlaqələndirilir.