BAKI, AzerVoice
Çanaqqalanın Ayvacık bölgəsində meşə yanğını - Kəndlər təxliyə olunub, tarixi abidələr zərər görüb.
AzerVoice xəbər verir ki, Çanaqqala vilayətinin Ayvacık rayonunun Naldöken kəndində başlayan və güclü küləyin təsiri ilə sürətlə yayılan meşə yanğınının söndürülməsi üçün havadan və qurudan müdaxilə davam edir.
Yanğın ötən gün axşam saatlarında başlayıb və alovlar Tuzla, Taşağıl və Çamköy kəndlərinə qədər yayılıb. Orman Baş İdarəsinin quru qüvvələri gecə boyunca ərazidə fasiləsiz fəaliyyət göstərib. Bu gün səhər saatlarında isə iki helikopter havadan dəstəyə qoşulub.
Küləyin təsirini davam etdirməsinə baxmayaraq, bəzi sahələrdə alovun gücünü itirdiyi müşahidə olunur. Təhlükəsizlik məqsədilə Naldöken, Tuzla, Çamköy və Taşağıl kəndləri təxliyə edilsə də, riskin azalmasının ardından sakinlər evlərinə qayıdıb.
Digər tərəfdən, alovların təsirinə məruz qalan və ərazisində geotermal enerji stansiyası ilə tarixi Hüdavəndigar məscidi yerləşən Tuzla kəndi havadan dron vasitəsilə görüntülənib. Kadrlarda meşə və çalılıq sahələrin yanı sıra yaşayış ərazilərindəki zərər də əks olunub.
Qeyd edək ki, Naldöken kəndində bəzi evlər, tövlələr və damlar alovdan ziyan görüb, çox sayda heyvan tələf olub. Alevlər, həmçinin Tuzla kəndində yerləşən və bərpa işləri aparılan tarixi Hüdavəndigar məscidinə də zərər yetirib. Məscidin həyətindəki ağacların alışması nəticəsində məbəd və içindəki qəbiristanlıqda xəsarətlər qeydə alınıb.
