BAKI, AzerVoice
“Baykar” şirkətinin İdarə Heyətinin sədri Selçuk Bayraktar CNN
Türk-ə verdiyi müsahibədə müdafiə sənayesi, texnologiya və
bölgədəki vəziyyətlə bağlı mühüm açıqlamalar verib.
AzerVoice xəbər verir ki, o,
Türkiyənin müdafiə sahəsində sürətlə irəlilədiyini, lakin hələ də
uzun yol qət edilməli olduğunu bildirib.
Bayraktar bildirib ki, yüksək texnologiya bu dövrün ən böyük
transformasiya gücünə çevrilib, lakin bu güc qeyri-mütənasib
şəkildə yalnız bəzi ölkələrin əlində cəmlənib.
“Dünyanın gözü qarşısında soyqırım törədilir və bu, yüksək
texnologiyalı silahlarla həyata keçirilir. Dünya isə bütün
qurumları və qaydaları ilə iflas edib. Böyük bir qaranlığa doğru
gedirik.”- deyə o bildirib.
O, Baykar-ın xüsusilə pilotsuz uçuş aparatları sahəsində
dünyanın ən önəmli şirkətlərindən birinə çevrildiyini
vurğulayıb.
“Bu sahədə kifayət qədər texnologiya inkişaf etdirmişik, lakin hava
hücumundan müdafiə və uzaqmənzilli hücum sistemləri kimi sahələrdə
istehsal səviyyəsində hələ çatışmazlıqlarımız var.” - deyə o qeyd
edib.
Bayraktar, TEKNOFEST vasitəsilə gənclərə texnologiyaya inam
aşılamağı hədəflədiklərini deyib.
“Gənclərə demək istəyirik ki, sən bacararsan. Əgər bir dəfə
bacarsan, dünyanın ən yaxşı texnologiyasını yarada bilərsən.
Müdafiə sənayesi kritik sahədir və mülki texnologiyalar da daxil
olmaqla bütün sahələrdə tam müstəqillik vacibdir.”- deyə o qeyd
edib.
Bayraktar bölgədə və dünyada artan qeyri-sabitliyə də diqqət
çəkərək ,
“Dünya yaxşı istiqamətə getmir. Hər sahədə güclü olmaq vacibdir.
Təkcə texnologiya ilə deyil, eyni zamanda şüurlu, vətənpərvər
nəsillərlə də bu mübarizəni davam etdirməliyik. Biz həyatımızı bu
ideala həsr etmişik.” - deyə bildirib.
Bayraktar çıxışının sonunda tam müstəqillik və Kızılelma ideyasına sadiq qaldıqlarını qeyd edib və “Allah bölgəmizə və ölkəmizə əmin-amanlıq bəxş etsin” sözləri ilə fikrini tamamlayıb.
