Le Pen hesab edir ki, Makron Milli Assambleyanı buraxa bilər

BAKI, AzerVoice

Fransanın sağçı “Milli Birlik” partiyasının parlament fraksiyasının lideri Marin Le Pen, Fransa prezidenti Emmanuel Makronun yaxın vaxtlarda Milli Assambleyanı (parlamentin aşağı palatasını) buraxa biləcəyini bildirib.

AzerVoice xəbər verir ki, bu barədə məlumatı AFP agentliyi yayıb.

“Parlamentin buraxılmayacağına özünü inandırmaq təhlükəli olar. Rahatlaşmaq olmaz” - deyə, Le Pen vurğulayıb.

Le Pen tərəfdarları qarşısında çıxış edərək bildirib ki, əgər yeni parlament seçkiləri keçirilərsə, "Milli Birlik" partiyası qalib gəlməlidir.

Fraksiya rəhbəri eyni zamanda tərəfdarlarını 2026-cı ildə keçiriləcək bələdiyyə seçkilərinə hazır olmağa çağırıb.