BAKI, AzerVoice
Türkiyənin 8 şəhərində keçirilən kibercinayətkarlığa qarşı əməliyyatda 169 şübhəli saxlanılıb.
AzerVoice xəbər verir ki, Türkiyənin 8
şəhərində kibercinayətkarlığa qarşı keçirilən genişmiqyaslı
əməliyyatlar nəticəsində 169 nəfər şübhəli saxlanılıb.
Daxili İşlər Naziri Ali Yerlikaya bildirib ki, Respublika Baş
Prokurorluğunun rəhbərliyi və Təhlükəsizlik Baş İdarəsinin
Kibercinayətlərlə Mübarizə İdarəsinin koordinasiyası ilə
Afyonkarahisar, Yalova, İstanbul başda olmaqla, digər vilayətlərdə
də əməliyyatlar keçirilib.
Əməliyyatlar çərçivəsində saxlanılan şübhəlilər barəsində ağır fırıldaqçılıq, qanunsuz mərc fəaliyyəti, uşaqlara qarşı onlayn istismar, informasiya sistemlərinə qanunsuz müdaxilə və şəxsi məlumatların qanunsuz əldə edilməsi ilə bağlı araşdırmalar başlanıb.
Saxlanılan 169 şübhəlidən 20-si həbs edilib, 43 nəfərə məhkəmə nəzarəti tətbiq olunub, digər şübhəlilərlə bağlı hüquqi proseslər davam edir. Əməliyyatlar zamanı böyük miqdarda rəqəmsal materiallar da ələ keçirilib.
Yerlikaya sosial media hesabında etdiyi paylaşımda "Qubernatorlarımızı, əməliyyatları koordinasiya edən baş prokurorlarımızı və əməliyyatlarda iştirak edən qəhrəman polislərimizi təbrik edirəm. Xalqımızı bir daha xəbərdar edirik: tanımadığımız şəxslərə pul göndərməyək, asan qazanc vəd edən təkliflərə aldanmayaq. Unutmayaq: kibercinayətkarlığa qarşı ən güclü sipər maarifləndirmədir" - deyə qeyd edib.
“Siber Suçlarla Mücadele Kapsamında 169 Şüpheli Yakalandı”
— Ali Yerlikaya (@AliYerlikaya) April 28, 2025
8 il merkezli “Yasa Dışı Bahis, Nitelikli Dolandırıcılık, Çevrimiçi Çocuk Müstehcenliği ve Tacizi, Bilişim Sistemlerine Girme” suçlarına yönelik düzenlediğimiz operasyonlarda; 169 şüpheli yakalandı.
Şüphelilerden;
… pic.twitter.com/9vwhwkAB4a
