BAKI,AzerVoice, Fərid Mikayılov
Türkiyədə GAİN Medya və ona bağlı şirkətlərə qarşı genişmiqyaslı əməliyyat keçirilib.
AzerVoice xəbər verir ki, İstanbul Respublika Baş Prokurorluğu tərəfindən “cinayət məqsədilə təşkilat yaratmaq”, “qanunsuz mərc” və “cinayət yolu ilə əldə edilmiş gəlirlərin leqallaşdırılması” maddələri üzrə başladılan istintaq çərçivəsində üç nəfər saxlanılıb, holdinqə daxil olan yeddi şirkətə isə TMSF tərəfindən müvəqqəti idarəçi təyin edilib.
Məlumata görə, Anahat Holding strukturu daxilində fəaliyyət göstərən GAİN Medya başda olmaqla əlaqəli şirkətlərə qarşı əməliyyat həyata keçirilib. Əməliyyat zamanı cinayət yolu ilə əldə edildiyi ehtimal olunan daşınar və daşınmaz əmlaklar müsadirə edilib.
Baş Prokurorluğun açıqlamasında bildirilir ki, İstanbul Növbətçi Sülh Cəza Hakimliyinin qərarı əsasında aşağıdakı şirkətlərə Əmanətlərin Sığortalanması Fondu (TMSF) müvəqqəti idarəçi qismində təyin olunub:
- GAİN Medya AŞ
- GAİN Studio Prodüksiyon AŞ
- GAİN Shorts Medya AŞ
- Anahat Holding AŞ
- Anahat Medya AŞ
- 3B Yazılım Texnologiyaları Sənaye və Ticarət AŞ
- Berton Yapı İnşaat Sənaye və Ticarət AŞ
Eyni zamanda, istintaq çərçivəsində şübhəli bilinən üç şəxs saxlanılıb. Prokurorluq istintaq tədbirlərinin bütün istiqamətlər üzrə davam etdiyini bildirib.