BAKI,AzerVoice, Fərid Mikayılov
Təxminən min 300 ton humanitar yardım daşıyan gəmi, Türkiyə Qızıl Aypara Cəmiyyəti tərəfindən Qəzzaya çatdırılmaq məqsədilə Mersin limanından yola çıxıb.
AzerVoice xəbər verir ki, yükün əsas hissəsini qida məhsulları, gigiyena ləvazimatları, geyim və yorğanlar təşkil edir.
Humanitar yardımın Misirin El Arish Limanına çatması gözlənilir. Orada yüklər boşaldılacaq və sonrakı mərhələdə Qəzzaya çatdırılacaq.
“İndiyədək bölgəyə 18 min ton humanitar yardım çatdırmışıq və Türkiyədən Qəzzaya fasiləsiz bir ümid körpüsü qurmuşuq”- deyə Türkiyə Qızıl Aypara Cəmiyyəti İdarə Heyətinin üzvü Kamil Karadeniz bildirib.
Karadeniz həmçinin qeyd edib ki, təşkilatın Qəzzadakı aşpazxanalarında ən çətin şəraitdə 35 min nəfər üçün isti yemək hazırlanıb və hazırda da hazırlanır.
“İndiyədək müharibə şəraitində olan bölgədə 8 milyondan çox yemək paylanıb”- deyə o vurğulayıb.