BAKI, AzerVoice, Nailə Babazadə
Uzun illərdən sonra Premyer Liqaya qayıdan Sunderland, Paris Saint-Germain-dən 27 yaşlı müdafiəçi Nordi Mukiele-ni transfer edib. Fransız müdafiəçi İngiltərə klubuyla 4 illik müqavilə imzalayıb.
AzerVoice xəbər verir ki, Sunderland, futbolçunun transferinə dair transfer haqqı ilə bağlı detalları açıqlamayıb.
Sunderland Premyer Liqaya yüksəldikdən sonra mühüm transferlər reallaşdırıb. Ümumilikdə 12 transfer açıqlayan klubun heyətinə qatdığı futbolçular arasında Beşiktaş-la yollarını ayıran Artur Masuaku da var.
Klubun ən bahalı transferi isə Strasburqdan alınan Habib Diarradır. 21 yaşlı yarımmüdafiəçi üçün 31.5 milyon avro ödənilib.
Mukiele karyerası ərzində daha əvvəl Lavallois, Montpellier, Leipzig və son olaraq PSG-də çıxış edib. O, ötən mövsümü icarə əsasında Bayer Leverkusen-də keçirib və komanda ilə 24 oyuna çıxıb.