BAKI, AzerVoice, Nailə Babazadə
Trendyol Super Liqasının 8-ci həftəsində Beşiktaşı qəbul edəcək Qalatasaray, RAMS Park-da rəqibinə qarşı tarixi üstünlüyə malikdir.
2011-ci ildən bəri Seyrantepədə Beşiktaşla 15 dəfə qarşılaşan sarı-qırmızılılar bu görüşlərin 11-də qalib gəlib, 2 dəfə məğlub olub, 2 oyun isə heç-heçə başa çatıb. Beşiktaş bu stadiondakı son 8 səfər oyununda qələbə qazana bilməyib.
Qara-ağlılar Seyrantepədəki yeganə qələbələrini Şenol Güneşin rəhbərliyi altında əldə edib – 2015-2016 və 2016-2017 mövsümlərindəki iki 1-0 hesablı qələbə ilə.
Bu stadionda keçirilən derbilərdə Qalatasaray 25, Beşiktaş isə 12 qol vurub. Derbilərdə ən çox qol vuran futbolçu 4 qolla Mauro İcardidir. Onu Elmander, Melo, Kerem və Fernando Reges kimi adlar izləyir. Beşiktaş adına isə bir çox futbolçu, o cümlədən Gomez, Talisca, Cenk Tosun və Oxlade-Chamberlain birer dəfə fərqlənib.
Əlavə olaraq, həm Qalatasaraydan Semih Kaya və Ujfalusi, həm də Beşiktaşdan Hugo Almeida bu oyunlarda avtoqol müəllifi olub.