BAKI, AzerVoice, Nailə Babazadə

Kırşehirdə keçirilən tədbirdə Türk Dünyası Akademiyası çərçivəsində ortaq dəyərlər, mədəni birlik və dil birliyi məsələləri müzakirə olunub.

AzerVoice xəbər verir ki, tədbirdə çıxış edən vilayətin Təhsil Şöbəsinin Müdiri Yusuf Yasin Gülşen, Türk dövlətləri ilə əlaqələrin gücləndirilməsinin vacibliyini vurğulayıb.

Neşet Ertaş Mədəniyyət və İncəsənət Mərkəzində keçirilən tədbirdə danışan Gülşen, Türk dünyasının mədəni birliyini və ortaq irsini əks etdirməyə çalışdıqlarını bildirib. O, Türk dünyasının əhəmiyyəti və Türkiyənin digər Türk dövlətləri ilə münasibətləri barədə məlumat verərək, bu əlaqələrin hər keçən gün daha da irəliləməsinin və möhkəmlənməsinin zəruriliyini qeyd edib.

Kırşehir Ahi Evran Universitetinin metodologiya fakültəsinin dekanı, professor doktor Ertuğrul Yaman “Ortaq Türk dili və Dil Birliyi” adlı təqdimatında Türk dünyasında dil birliyinin mədəni və tədris baxımından əhəmiyyətini vurğulayıb. O, ortaq Türk dilinin mədəni həmrəyliyi və qarşılıqlı əlaqəni gücləndirdiyini qeyd edib.